Tibb üzrə fəlsəfə doktoru, cərrah-oftalmoloq, Amerika Oftalmoloqlar Akademiyasının üzvü, Hatmedicine klinikasının baş həkimi.

Akademik Zərifə Əliyeva adına Milli Oftalmologiya Mərkəzində katarakta, qlaukoma, çəpgözlük, keratokonus, eksimer lazer ilə eynəkdən azad olma əməliyyatlarını və göz dibinin xəstəliklərinin müalicəsini icra edir. 2004-cü ildən etibarən Amerika, Hindistan, Rusiya, Türkiyə də daxil olmaqla dünyanın müxtəlif ölkələrində oftalmologiya ixtisası üzrə təlimlər keçib.

O, Azərbaycanda ilk oftalmoloqdur ki, Beynəlxalq müstəvidə 2012-ci ildə İtaliyanın Milan şəhərində keçirilən Pediatrik Oftalmologiya və Çəpgözlük üzrə II-ci Dünya Oftalmologiya konqresində məruzə ilə çıxış etmişdir. Bundan əlavə, İspaniya, Hindistan və digər ölkələrdə keçirilən Beynəlxalq konfranslarda çəpgözlük mövzusunda öz araşdırmalarını təqdim etmişdir.

Yerli və xarici mətbuatda 16 elmi işi dərc olunub.
Nərminə Hacıyeva uzun illərdir ki, Sizin gözlərinizin sağlamlığının qayğısını çəkir.